港口寂寞暝
《港口寂寞暝》Káng-kháu Tsi̍k-bo̍k Mî
郭素梅Kueh Sòo-muî
——————————————
黃昏的夜港邊
hông-hun ê iā káng-pinn
海螺伴阮悲
hái-luê phuānn gún pi
誰知伊在海灘裡
siáng tsai i tsāi hái-than–lí
已經命消失
í-king miā siau-sit
親像著無緣男兒
tshin-tshiūnn tio̍h bô-iân lâm-jî
放阮孤單徛在港邊
pàng gún koo-tuann khiā tsāi káng-pinn
怎樣今夜遮稀微
tsuánn-iūnn kim-iā tsiah hi-bî
港口寂寞暝
káng-kháu tsi̍k-bo̍k mî
含著目屎心悶
kâm tio̍h ba̍k-sái sim būn
海湧無浪痕
hái-íng bô lōng-hûn
孤單伴伊無怨恨
koo-tuann phuānn i bô uàn-hūn
難破的船
lân phuà ê tsûn
思慕的暗暝遮長
su-bōo ê àm-mî tsiah tn̂g
海水轉來添心酸
hái-tsuí tńg-lâi thiam sim-sng
啥人會來愛慕阮
siánn-lâng ē lâi ài-bōo gún
港口夜雺霧
káng-kháu iā bông-bū
寂寞的孤女兒
tsi̍k-bo̍k ê koo lí-jî
漂落海裡去
phiau-lo̍h hái–lí khì
啥人嘛袂替阮悲
siánn-lâng mā buē thuè gún pi
心情真痴疑
sim-tsîng tsin tshi-gî
想欲來提出勇氣
siūnn-bueh lâi the̍h tshut ióng-khì
含著喙脣目屎滴
kâm tio̍h tshuì-tûn ba̍k-sái tih
夜風吹來冷吱吱
iā-hong tshue–lâi líng-ki-ki
港口寂寞暝
káng-kháu tsi̍k-bo̍k mî
