大俠棕蓑客
《大俠棕蓑客》Tāi-kiap Tsang-sui-kheh
梁明Niû-bîng
——————————————
孤單的雲遊客
koo-tuann ê hûn-iû-kheh
孤單的雲遊客
koo-tuann ê hûn-iû-kheh
跤穿一雙破草鞋
kha tshīng tsi̍t-siang phuà tsháu-ê
毋驚人講閒話
m̄-kiann lâng kóng îng-uē
出外咧救世
tshut-guā teh kiù-sè
啊~對人真坦白～
ah~ tuì lâng tsin thán-pe̍h
保持著人格
pó-tshî tio̍h jîn-keh
孤單的雲遊客
koo-tuann ê hûn-iû-kheh
孤單的雲遊客
koo-tuann ê hûn-iû-kheh
手提一枝割草鍥
tshiú the̍h tsi̍t-ki kuah-tsháu-keh
頭殼戴著瓜笠
thâu-khak tì tio̍h kue-le̍h
流浪咧勸世
liû-lōng teh khǹg-sè
啊~做歹著反悔～
ah~ tsuè-pháinn tio̍h huán-hué
貢獻予社會
kòng-hiàn hōo siā-huē
孤單的雲遊客
koo-tuann ê hûn-iû-kheh
孤單的雲遊客
koo-tuann ê hûn-iû-kheh
身穿棕蓑四界踅
sin tshīng tsang-sui sì-kuè se̍h
無懼怕佗一个
bô khū-phà tó tsi̍t-ê
人生在一世
jîn-sing tsāi tsi̍t-sè
啊~四海來為家～
ah~ sù-hái lâi uî-ke
毋免受累贅
m̄-bián siū luî-tsuè
