美麗屏東城
《美麗屏東城》Bí-lē Pîn-tong-siânn
阿茹A-jû
——————————————
總是想你的形影
tsóng-sī siūnn lí ê hîng-iánn
因為真久無來看
in-uī tsin kú bô lâi khuànn
阮踮最愛的所在
gún tiàm tsuè ài ê sóo-tsāi
初戀時的屏東城
tshoo-luân sî ê Pîn-tong-siânn
愛人啊敢有咧聽
ài-jîn–ah kám ū teh thiann
愛人啊敢會記啦
ài-jîn–ah kám ē-kì–lah
踅夜市媽祖廟邊
se̍h iā-tshī Má-tsóo-biō pinn
咱約束永不分離
lán iok-sok íng put hun-lî
啊~美麗屏東城
ah~ bí-lē Pîn-tong-siânn
椰子樹的影
iâ-tsí-tshiū ê iánn
風是慢慢仔吹
hong sī bān-bān-á tshue
有心人咧等著啥
ū-sim lâng teh tán tio̍h siánn
看著日落屏東城
khuànn-tio̍h ji̍t-lo̍h Pîn-tong-siânn
有咱的戀歌
ū lán ê luân-kua
夜怎通放阮攬孤單
iā tsuánn thang pàng gún lám koo-tuann
心愛的
sim-ài–ê
阮猶佇遮
gún iáu tī tsia
南方情火拍袂化
lâm-hong tsîng-hué phah buē hua
等你等你來做伴
tán lí tán lí lâi tsuè-phuānn
美麗屏東城
bí-lē Pîn-tong-siânn
