被害者俱樂部
《被害者俱樂部》Pī-hāi-tsiá Khū-lo̍k-pōo
林俊吉Lîm Tsùn-kiat
——————————————
人在江湖中
jîn tsāi kang-ôo tiong
難免會踏差錯
lân-bián ē ta̍h tsha-tshò
著跋一倒
tio̍h pua̍h tsi̍t-tó
才知影通珍惜
tsiah tsai-iánn thang tin-sioh
放阮咧悲傷
pàng gún teh pi-siong
愛人仔佮人去散步
ài-jîn-á kah lâng khì sàn-pōo
你對愛情的態度
lí tuì ài-tsîng ê thāi-tōo
哪通一兼二顧
ná thang it-kiam jī-kòo
被害者俱樂部
pī-hāi-tsiá khū-lo̍k-pōo
加一个多情的無辜
ke tsi̍t-ê to-tsîng ê bû-koo
沉醉愛的小路
tîm-tsuì ài ê sió-lōo
煞來予你誤
suah lâi hōo lí gōo
予虛情沃甲澹糊糊
hōo hi-tsîng ak kah tâm-kôo-kôo
被愛者俱樂部
pī-hāi-tsiá khū-lo̍k-pōo
是一个傷心的場所
sī tsi̍t-ê siong-sim ê tiûnn-sóo
予阮進無路
hōo gún tsìn bô-lōo
想欲退嘛無步
siūnn-beh thè mā bô-pōo
痴情的結果
tshi-tsîng ê kiat-kó
卻是走投無路
khiok-sī tsáu-tâu bô-lōo
