拍拚贏運命
《拍拚贏運命》Phah-piànn Iânn Ūn-miā
林文德Lîm Bûn-tik
——————————————
上山聽著落雨聲
tsiūnn-suann thiann-tio̍h lo̍h-hōo siann
落海風湧浪袂定
lo̍h-hái hong-íng lōng buē tiānn
社會紛爭論輸贏
siā-huē hun-tsing lūn su-iânn
世間口舌如劍影
sè-kan kháu-sia̍t jû kiàm-iánn
勇敢向前行
ióng-kám hiòng-tsiân kiânn
相伨鬥陣拚
sio-thīn tàu-tīn piànn
創造名聲
tshòng-tsō miâ-siann
予人探聽
hōo-lâng thàm-thiann
認真繼續行
jīn-tsin kè-sio̍k kiânn
跤步踏予正
kha-pōo ta̍h hōo tsiànn
歷史為勝利者留名
li̍k-sú uī sìng-lī-tsiá lâu-miâ
一生望誰晟
it-sing bāng siáng tshiânn
好歹誰來疼
hó-pháinn siáng lâi thiànn
咱是有骨氣的查埔囝
lán sī ū kut-khì ê tsa-poo-kiánn
提出力量
the̍h tshut li̍k-liōng
有啥物通驚
ū siánn-mih thang kiann
我只相信
guá tsí siong-sìn
拍拚贏運命
phah-piànn iânn ūn-miā
