三月二三媽祖生
《三月二三媽祖生》Sann-gue̍h Jī-sann Má-tsóo-sinn
林玉峰 Lîm Gio̍k-hong
——————————————
黃昏的街頭巷尾
hông-hun ê ke-thâu hāng-bué
歡歡喜喜的人群
huann-huann-hí-hí ê lâng-kûn
今夜是迎媽祖的
kim-iā sī ngiâ Má-tsóo ê
快樂的暗暝
khuài-lo̍k ê àm-mî
音樂聲弄龍弄獅
im-ga̍k-siann lāng-lîng lāng-sai
人人成群過著
lâng-lâng sîng-kûn kuè tio̍h
繁華的街路
huân-huâ ê kue-lōo
快樂的好暗暝
khuài-lo̍k ê hó àm-mî
哎啊~臺灣的暗暝
aih-ah~ Tâi-uân ê àm-mî
一群的可愛囡仔
tsi̍t-kûn ê khó-ài gín-á
歡歡喜喜攑花燈
huann-huann-hí-hí gia̍h hue-ting
笑嘻嘻走來走去
tshiò hi-hi tsáu-lâi-tsáu-khì
快樂的暗暝
khuài-lo̍k ê àm-mî
廟前是真正鬧熱
biō-tsîng sī tsin-tsiànn lāu-jia̍t
看見善男信女
khuànn-kìnn siān-lâm-sìn-lú
徛在廟前庭
khiā tsāi biō-tsîng tîng
今夜是好暗暝
kim-iā sī hó àm-mî
哎啊~臺灣的暗暝
aih–ah~ Tâi-uân ê àm-mî
看見著一對姊妹
khuànn-kìnn tio̍h tsi̍t-tuì tsí-muē
歡歡喜喜來燒香
huann-huann-hí-hí lâi sio-hiunn
祈禱著啥物心願
kî-tó tio̍h siánn-mih sim-guān
快樂的暗暝
khuài-lo̍k ê àm-mî
迷人的烏色目睭
bê-lâng ê oo-sik ba̍k-tsiu
親像對阮講話
tshin-tshiūnn tuì gún kóng-uē
含情佮帶意
hâm-tsîng kah tài-ì
十七八好年紀
tsa̍p-tshit-pueh hó nî-kí
哎啊~臺灣的暗暝
aih-ah~ Tâi-uân ê àm-mî
