欲嫁毋嫁
《欲嫁毋嫁》Beh Kè M̄ Kè
江清蓉Kang Tshing-iông
——————————————
結婚對象真歹揣
kiat-hun tuì-siōng tsin pháinn tshuē
這个無愛
tsit ê bô-ài
嫌彼个
hiâm hit-ê
無半人來佮阮四配
bô puànn-lâng lâi kah gún sù-phuè
朋友嘛一个一个嫁
pîng-iú mā tsi̍t-ê-tsi̍t-ê kè
一工接無幾張批
tsi̍t-kang tsiap-bô kuí tiunn phue
當時欲抱新娘花
tang-sî beh phō sin-niû-hue
雖然阮毋是真濟歲
sui-jiân gún m̄-sī tsin tsē huè
敢講欲等到頭毛白
kám-kóng beh tán-kàu thâu-moo pe̍h
隔壁娶新娘真濟人客
keh-piah tshuā-sin-niû tsin tsē lâng-kheh
看來嘛無講比阮美麗
khuànn–lâi mā bô kóng pí gún bí-lē
怪阮是無緣又驚歹勢
kuài gún sī bô-iân iū kiann pháinn-sè
揣無心愛少年家
tshuē-bô sim-ài siàu-liân-ke
阮看有佮意攏是人的
gún khuànn ū kah-ì lóng-sī lâng–ê
阮坐踮厝內
gún tsē tiàm tshù-lāi
無人來揣
bô-lâng lâi tshuē
若有人
nā ū-lâng
當阮心肝寶貝
tòng gún sim-kuann pó-puè
我一定愛伊
guá it-tīng ài i
攏袂反悔
lóng bē huán-hué
