愛是受苦的心
《愛是受苦的心》Ài Sī Siū-khóo ê Sim
江清蓉Kang Tshing-iông
——————————————
離別的時陣
lî-pia̍t ê sî-tsūn
心情亂紛紛
sim-tsîng luān hun-hun
傷心的時陣
siong-sim ê sî-tsūn
目屎腹內吞
ba̍k-sái pak-lāi thun
無人的時陣
bô-lâng ê sî-tsūn
想你心苦悶
siūnn lí sim khóo-būn
孤單的時陣
koo-tuann ê sî-tsūn
無人相借問
bô-lâng sio-tsioh-mn̄g
愛情離我遮爾遠
ài-tsîng lî guá tsiah-nī hn̄g
傷心慢慢來接近
siong-sim bān-bān lâi tsiap-kīn
痛苦哪會遮爾長
thòng-khóo ná ē tsiah-nī tn̂g
目屎哭澹阮眠床
ba̍k-sái khàu tâm gún bîn-tshn̂g
愛是受苦的心
ài sī siū-khóo ê sim
可比風吹水中燈
khó-pí hong tshue tsuí-tiong ting
哭是受難的情
khàu sī siū-lān ê tsîng
親像風雨落袂停
tshin-tshiūnn hong-hōo lo̍h buē-thîng
愛是受苦的心
ài sī siū-khóo ê sim
可比風吹水中燈
khó-pí hong tshue tsuí-tiong ting
疼是受傷的情
thiànn sī siū-siong ê tsîng
親像平地起風湧
tshin-tshiūnn pênn-tē khí hong-íng
