予風吹想欲飛
《予風吹想欲飛》Hōo Hong Tshue Siūnn-beh Pue
江清蓉Kang Tshing-iông
——————————————
坐著最後一班車
tsē tio̍h tsuè-āu tsi̍t-pan tshia
破碎的心綴車行
phò-suì ê sim tuè tshia kiânn
予風吹
hōo hong tshue
想欲飛
siūnn-beh pue
離開傷心的一切
lī-khui siong-sim ê it-tshè
腦海中一片空白
náu-hái tiong tsi̍t-phìnn khàng-pe̍h
袂哭袂笑袂講話
buē khàu buē tshiò buē kóng-uē
予風吹
hōo hong tshue
想欲飛
siūnn-beh pue
離開一切的一切
lī-khui it-tshè ê it-tshè
人講女人一生中
lâng kóng lú-jîn it-sing tiong
為愛無惜代價
uī ài bô-sioh tāi-kè
付出後
hù-tshut āu
才知後悔
tsiah tsai hiō-hué
這種痛苦
tsit-tsióng thòng-khóo
難體會
lân thé-huē
想過去千頭萬緒
siūnn kuè-khì tshian-thiô bān-sū
恍恍惚惚為啥貨
hóng-hóng-hu̍t-hu̍t uī siánn-huè
夜快車一站站過
iā-khuài-tshia tsi̍t-tsām-tsām kuè
往事猶原在心底
óng-sū iu-guân tsāi sim-té
失落欲叫啥人賠
sit-lo̍h beh kiò siánn-lâng puê
