袚鍊
《袚鍊》Phua̍h-liān
王建傑Ông Kiàn-kia̍t
——————————————
送你一領媠媠的新衫
sàng lí tsi̍t-niá suí-suí ê sin-sann
望你穿佇你的身軀頂
bāng lí tshīng tī lí ê sin-khu tíng
毋管過時了
m̄-kuán kuè-sî liáu
抑綴流行
ia̍h tuè liû-hîng
是我對你愛的表明
sī guá tuì lí ài ê piáu-bîng
送你一條金金的鈸鍊
sàng lí tsi̍t-tiâu kim-kim ê pua̍h-liān
將伊掛在你的胸前
tsiong i kuà tsāi lí ê hing-tsîng
意義勝過了錢銀價值
ì-gī sìng-kuè liáu tsînn-gûn kè-ta̍t
是我對你愛的叮嚀
sī guá tuì lí ài ê ting-lîng
小小的禮物
sió-sió ê lé-bu̍t
算啥犧牲
sǹg siánn hi-sing
毋知你拒絕
m̄-tsai lí kī-tsua̍t
抑是答應
ia̍h-sī tah-ìng
對你的體貼
tuì lí ê thé-thiap
是男兒的本性
sī lâm-jî ê pún-sìng
用一生證明
iōng it-sing tsìng-bîng
我一片痴情
guá it-phiàn tshi-tsîng
