無名英雄
《無名英雄》Bô-miâ Ing-hiông
王建傑Ông Kiàn-kia̍t
——————————————
查埔人的淚
tsa-poo-lâng ê luī
吞落腹肚內
thun-lo̍h pak-tóo-lāi
艱苦的心情
kan-khóo ê sim-tsîng
驚別人知
kiann pa̍t-lâng tsai
想欲來行向
siūnn-beh lâi kiânn hiòng
成功的所在
sîng-kong ê sóo-tsāi
著愛來
tio̍h-ài lâi
忍受所有悲哀
jím-siū sóo-ū pi-ai
毋驚風也毋驚雨
m̄-kiann hong iā m̄-kiann hōo
受盡風霜
siū-tsīn hong-song
嘛為著理想
mā uī-tio̍h lí-sióng
就算受盡
tsiū-sǹg siū-tsīn
所有滿腹的苦衷
sóo-ū muá-pak ê khóo-thiong
也欲重新閣再振作
iā beh tiông-sin koh-tsài tín-tsok
提出勇氣向前衝
the̍h tshut ióng-khì hiòng-tsîng tshiong
一步一步
tsi̍t-pōo-tsi̍t-pōo
行出咱的路
kiânn tshut lán ê lōo
毋驚艱苦失敗的風霜
m̄-kiann kan-khóo sit-pāi ê hong-song
認真拍拚為理想
jīn-tsin phah-piànn uī lí-sióng
付出一切為前途
hù-tshut it-tshè uī tsiân-tôo
一坎一坷
tsi̍t-khám tsi̍t-khia̍t
人生的路途
jîn-sing ê lōo-tôo
雖然有時起也會有落
sui-jiân ū-sî khí iā ē ū lo̍h
總有一日會成功
tsóng ū-tsi̍t-ji̍t ē sîng-kong
做一个無名的英雄
tsuè tsi̍t-ê bô-miâ ê ing-hiông
