幸福的車手
《幸福的車手》Hīng-hok ê Tshia-tshiú
王建傑Ông Kiàn-kia̍t
——————————————
深情佇你的目睭
tshim-tsîng tī lí ê ba̍k-tsiu
孤單瞬間化為烏有
koo-tuann sùn-kan huà-uî oo-iú
你是遐爾仔幼秀
lí sī hiah-nī-á iù-siù
萬事攏替我想
bān-sū lóng thè guá siūnn
趕走我所有憂愁
kuánn-tsáu guá sóo-ū iu-tshiû
請你接受我的追求
tshiánn lí tsiap-siū guá ê tui-kiû
請你答應我的懇求
tshiánn lí tah-ìng guá ê khún-kiû
我甘願失去自由
guá kam-guān sit-khì tsū-iû
換來愛的感受
uānn lâi ài ê kám-siū
期待戀歌做伙唱
kî-thāi luân-kua tsò-hué tshiùnn
拍開熱情的雙手
phah-khui jia̍t-tsîng ê siang-tshiú
迎接未來的模樣
gîng-tsiap bī-lâi ê bôo-iūnn
我是你幸福的車手
guá sī lí hīng-hok ê tshia-tshiú
載你來去
tsài lí lâi-khì
環遊世界一周
khuân-iû sè-kài tsi̍t-tsiu
拍開熱情的雙手
phah-khui jia̍t-tsîng ê siang-tshiú
予你滿滿的溫柔
hōo lí muá-muá ê un-jiû
我是你快樂的車手
guá sī lí khuài-lo̍k ê tshia-tshiú
載你轉來感情世界享受
tsài lí tńg-lâi kám-tsîng sè-kài hiáng-siū
