無聊情歌
《無聊情歌》Bô-liâu Tsîng-kua
朱海君Tsu Hái-kun
——————————————
多情的話
to-tsîng ê uē
講一百遍
kóng tsi̍t-pah piàn
嘛會變做假
mā ē piàn-tsò ké
交出真心的對待
kau-tshut tsin-sim ê tuì-thāi
換來的
uānn lâi–ê
只有無奈
tsí-ū bô-nāi
無情的話摻做伙
bô-tsîng ê uē tsham tsò-hué
嘛聽甲玲瑯踅
mā thiann kah lin-long se̍h
佇這愛情的戲弄
tī tse ài-tsîng ê hì-lāng
敢猶有人咧做夢
kám iáu ū-lâng teh tsuè-bāng
真真假假
tsin-tsin-ké-ké
夢醒的人有幾个
bāng-tshínn ê lâng ū kuí-ê
若親像講笑詼
ná-tshin-tshiūnn kóng-tshiò-khue
歡喜予人騙甲偌濟
huann-hí hōo-lâng phiàn kah guā-tsuē
揣一條無聊情歌
tshuē tsi̍t-tiâu bô-liâu tsîng-kua
當做講阮的心情
tòng-tsuè kóng gún ê sim-tsiânn
毋敢來看破
m̄-kánn lâi khuànn-phuà
往事變拖磨
óng-sū piàn thua-buâ
笑家己怎樣收煞
tshiò ka-kī tsuánn-iūnn siu-suah
聽這條無聊情歌
thiann tsit tiâu bô-liâu tsîng-kua
橫直一切攏無變化
huâinn-ti̍t it-tshè lóng bô piàn-huà
我猶原是我
guá iu-guân sī guá
家己上快活
ka-tī siōng khuìnn-ua̍h
予時間來綴我看
hōo sî-kan lâi tuè guá khuànn
總有一人
tsóng ū tsi̍t- lâng
會陪我眠夢
ē puê guá bîn-bāng
