相思巷
《相思巷》Siunn-si Hāng
吳晉淮Ngôo Tsìn-huâi
——————————————
為愛情行西往東
uī ài-tsîng kiânn-se óng-tang
玫瑰花開粒粒紅
muî-kuì-hue khui lia̍p-lia̍p âng
心肝頭又嗶噗動
sim-kuann-thâu iū pi̍t-po̍k tōng
春風吹入相思巷
tshun-hong tshue ji̍p siunn-si hāng
伊若是真情相送
i nā-sī tsin-tsîng sio-sàng
予我會得情花芳
hōo guá ē-tit tsîng-hue phang
我也是一心甘願
guá iā-sī it-sim kam-guān
真情欲送有情人
tsin-tsîng bueh sàng ū-tsîng-lâng
希望伊對我相信
hi-bāng i tuì guá siong-sìn
了解我的愛是真
liáu-kái guá ê ài sī tsin
若會得心心相印
nā ē-tit sim-sim siong-ìn
時常雙人通做陣
sî-siông siang-lâng thang tsò-tīn
毋過伊對我盡情
m̄-koh i tuì guá tsīn-tsîng
楊花水性來迎新
iûnn-hue suí-sìng lâi ngiâ sin
相思巷無步前進
siunn-si hāng bô-pōo tsiân-tsìn
予我相思樹纏身
hōo guá siunn-si tshiū tînn-sin
相思巷路燈稀微
siunn-si hāng lōo-ting hi-bî
也無月影烏陰天
iā bô ge̍h-iánn oo-im-thinn
為前途男子志氣
uī tsiân-tôo lâm-tsú tsì-khì
打破情夢毋想伊
tánn-phuà tsîng-bāng m̄-siūnn i
伊對我虛情把戲
i tuì guá hi-tsîng pá-hì
一切付水來流離
it-tshè hù tsuí lâi liû-lî
斬斷了所有情絲
tsám-tn̄g liáu sóo-ū tsîng-si
回頭是岸猶未遲
huê-thâu sī huānn iáu-buē tî
