感情雨袂停
《感情雨袂停》Kám-tsîng Hōo Buē-thîng
李茂山Lí Bōo-san
——————————————
今夜的風
kim-iā ê hong
為何遮爾冷
uī-hô tsiah-nī líng
今夜的雨
kim-iā ê hōo
為何落袂停
uī-hô lo̍h buē-thîng
風吹斷線
hong-tshue tn̄g-suànn
像阮心漂浪的過程
tshiūnn gún sim phiau-lōng ê kuè-tîng
踮都市
tiàm too-tshī
無依的生活
bô-i ê sing-ua̍h
夢中的路
bāng-tiong ê lōo
為何遮冷清
uī-hô tsiah líng-tshing
夢中的燈
bāng-tiong ê ting
為何無光明
uī-hô bô kong-bîng
毋知是風抑是雨
m̄-tsai sī hong ia̍h-sī hōo
吹落袂停
tshue lo̍h buē-thîng
親像阮想你的心情
tshin-tshiūnn gún siūnn lí ê sim-tsîng
哈~你到底佇佗位
hah~ lí tàu-té tī tó-uī
哈~你到底踮佇佗位
hah~ lí tàu-té tiàm-tī tó-uī
放阮痴迷
pàng gún tshi-bê
為你來犧牲
uī lí lâi hi-sing
茫茫渺渺的人生
bông-bông-biáu-biáu ê jîn-sing
我隨風飛
guá suî hong pue
隨風飛袂停
suî hong pue buē-thîng
感情雨袂停
kám-tsîng hōo buē-thîng
路燈你替我
lōo-ting lí thè guá
走揣光明
tsáu-tshuē kong-bîng
離開孤單的心情
lī-khui koo-tuann ê sim-tsîng
