斷腸歌
《斷腸歌》Tuān-tn̂g Kua
白冰冰Pe̍h Ping-ping
——————————————
雙人枕頭孤單影
siang-lâng tsím-thâu koo-tuann iánn
等你轉來跤步聲
tán lí tńg–lâi kha-pōo-siann
按房間等到大廳
àn pâng-king tán kah tuā-thiann
等你等到門口埕
tán lí tán kàu mn̂g-kháu-tiânn
一暝等你到天光
tsi̍t-mî tán lí kàu thinn kng
入門無愛相借問
ji̍p-mn̂g bô-ài sio-tsioh-mn̄g
害阮目屎腹內吞
hāi gún ba̍k-sái pak-lāi thun
害阮心肝苦又酸
hāi gún sim-kuann khóo iū sng
恩愛船過水無痕
un-ài tsûn kuè tsuí bô hûn
我疼
guá thiànn
我愁
guá tshiû
我恨
guá hūn
你的無情
lí ê bô-tsîng
想著會驚
siūnn-tio̍h ē kiann
不該愛你愛甲心疼
put-kai ài lí ài kah sim thiànn
如今只有分開行
jû-kim tsí-ū hun-khui kiânn
斷腸人哭運命
tuān-tn̂g-lâng khàu ūn-miā
斷腸酒啉予焦
tuān-tn̂g-tsiú lim hōo ta
斷腸歌唱袂煞
tuān-tn̂g-kua tshiùnn buē-suah
