青山月媠

《青山月媠》Tshing-san Gue̍h Suí
文豪Bûn-hô
——————————————
天頂的天星
thinn-tíng ê thinn-tshinn
啊~閃閃又爍爍
ah~ siám-siám iū sih-sih
山頂的月娘
suann-tíng ê gue̍h-niú
也溫柔帶詩意
iā un-jiû tài si-ì
一个漂浪兒
tsi̍t-ê phiau-lōng-jî
捾著一跤的行李
kuānn tio̍h tsi̍t-kha ê hîng-lí
一泡茶
tsi̍t-phàu tê
一罐酒
tsi̍t-kuàn tsiú
放鬆心情意
pàng-sang sim tsîng-ì
人生的滋味
jîn-sing ê tsu-bī
可比日落月起
khó-pí ji̍t lo̍h gue̍h peh-khí
一站有你
tsi̍t-tsām ū lí
一站又消失去
tsi̍t-tsām iū siau-sit–khì
山頂月遮圓
suann-tíng gue̍h tsiah înn
看清阮過去
khuànn-tshing gún kuè-khì
愛了傷過
ài liáu siunn kuè
傷著自己
siong-tio̍h tsū-kí
一杯酒
tsi̍t-pue tsiú
敬著不如意
kìng tio̍h put-jû-ì
一泡茶啊
tsi̍t-phàu tê–ah
圓滿著厭氣
uân-buán tio̍h iàn-khì
來來來來來
lâi lâi lâi lâi lâi
啊~放鬆咱自己
ah~ pàng-sang lán tsū-kí
留著青山
lâu tio̍h tshing-san
月也猶原遮媠
gue̍h iā iu-guân tsiah suí

您可能也會喜歡…

跳至工具列