堅心袂變卦
《堅心袂變卦》Kian-sim Buē Piàn-kuà
尤雅Iû Ngá
——————————————
墜落咧感情大海
tuī-lo̍h eh kám-tsîng tuā-hái
像小船拄風颱
tshiūnn sió-tsûn tú hong-thai
心酸痛苦吞腹內
sim-sng thòng-khóo thun pak-lāi
繁華冷暖的世界
huân-huâ líng-luán ê sè-kài
阮猶原會等待
gún iu-guân ē tán-thāi
無論你成功
bô-lūn lí sîng-kong
抑是失敗
ia̍h-sī sit-pāi
上驚咧風雨的半暝
siōng kiann eh hong-hōo ê puànn-mî
阮在夢中等無你
gún tsāi bāng-tiong tán-bô lí
孤單思念你溫柔的滋味
koo-tuann su-liām lí un-jiû ê tsu-bī
今夜的月娘笑微微
kim-iā ê gue̍h-niû tshiò bî-bî
等待的人去佗位
tán-thāi ê lâng khì tó-uī
為何阮的心
uī-hô gún ê sim
猶原是冷吱吱
iu-guân sī líng-ki-ki
一粒暗淡的心
tsi̍t-lia̍p àm-tām ê sim
需要你來
su-iàu lí lâi
為阮唸歌詩
uī gún liām kua-si
一條坎坷的路
tsi̍t-tiâu khám-khia̍t ê lōo
需要雙人
su-iàu siang-lâng
真心來扶持
tsin-sim lâi hû-tshî
毋管風雨偌大
m̄-kuán hong-hōo guā tuā
世間變化
sè-kan piàn-huà
對你袂變卦
tuì lí buē piàn-kuà
你若堅心回頭
lí nā kian-sim huê-thâu
一定會看著我
it-tīng ē khuànn-tio̍h guá