放炮舅仔
《放炮舅仔》Pàng-phàu Kū–á
七郎Tshit-lông
——————————————
紅燈結綵炮仔聲
âng-ting kat-tshái phàu-á-siann
也有媠媠的新娘仔
iā ū suí-suí ê sin-niû-á
?頭的Benz開天窗
tshuā-thâu ê Bèn-zuh kāi tiānchuāng
炮仔一聲一聲響
phàu-á tsi̍t-siann tsi̍t-siann hiáng
捀大定回聘金
phâng tuā-tiānn huê phìng-kim
小定留予新娘仔做私奇
sió-tiānn lâu hōo sin-niû-á tsuè sai-khia
親家親姆攏佇遮
tshin-ke tshin-ḿ lóng tī tsia
禮數袂使傷歹看
lé-sòo buē-sái siunn pháinn-khuànn
我就是放炮舅仔
guá tsiū-sī pàng-phàu kū–á
新娘的大兄
sin-niû ê tuā-hiann
這是阮兜門口埕
tse sī gún tau mn̂g-kháu-tiânn
逐家請坐啉予焦
ta̍k-ke tshiánn-tsē lim hōo ta
囝婿趕緊做阿爸
kiánn-sài kuánn-kín tsuè a-pa
我就是放炮舅仔
guá tsiū-sī pàng-phàu kū–á
今夜我上大
kim-iā guá siōng tuā
招呼人客第一名
tsio-hoo lâng-kheh tē-it-miâ
盈暗恁著
îng-àm lín tio̍h
三五个做伴
sann-gōo-ê tsuè-phuānn
來予阮兜請
lâi hōo gún tau tshiánn
