挽茶歌
《挽茶歌》Bán-tê Kua
白櫻Pe̍h-ing(施豐櫻Si Hong-ing)
——————————————
茶山風啊光喔真明媚唷
tê-suann hong–ah kong–ooh tsin bîng-bī–iooh
阿娘歌聲鬥人意
a-niû kua-siann tàu-lâng-ì
滿山清啊翠喔茶葉芳唷
muá-suann tshing–ah tshuì–ooh tê-hio̍h phang–iooh
阿娘挽茶心輕鬆唷
a-niû bán-tê sim khin-sang–iooh
春天茶啊葉喔當夠水唷
tshun-thinn tê–ah hio̍h–ooh tng kàu-tsuí–iooh
阿娘青春心當開
a-niû tshing-tshun sim tng khui
溫暖春啊風喔弄茶葉唷
un-jiû tshun–ah hong–ooh lāng tê-hio̍h–iooh
阿娘手搖心也搖
a-niû tshiú iô sim iā iô
茶葉毋啊驚喔風抑雨唷
tê-hio̍h m̄–ah kiann–ooh hong iā hōo–iooh
阿娘工作無耽誤
a-niû kang-tsok bô tam-gōo
透早挽啊茶喔到黃昏唷
thàu-tsá bán–ah tê–ooh kàu hông-hun–iooh
阿娘快樂笑文文唷
a-niû khuài-lo̍k tshiò bûn-bûn–iooh
