夜半琴詩
《夜半琴詩》Iā-puànn Khîm-si
田青平Tiân Tshing-pîng
——————————————
風雨聲音啊彈琴時
hong-ú siann-im–ah tuânn-khîm sî
烏雲啊密佈監獄邊
oo-hûn–ah bi̍t-pòo kam-ga̍k pinn
夜鶯群群訴啊哀悲
iā-ing kûn-kûn sòo–ah ai-pi
想起運命放袂離
siūnn-khí ūn-miā pàng buē-lī
有時想起當啊初時
ū-sî siūnn-khí tong–ah tshue-sî
反省目屎流袂離
huán-síng ba̍k-sái lâu buē-lī
快樂毋知佗位去
khuài-lo̍k m̄-tsai tó-uī khì
今日啊猶原落雨天
kim-ji̍t–ah iu-guân lo̍h-hōo-thinn
監房燈火啊暗啊無明
kam-pâng ting-hué–ah àm–ah bô-bîng
環境啊哪會遮無情
khuân-kíng–ah ná ē tsiah bô-tsîng
夜夜啼哭嘆啊不幸
iā-iā thî-khàu thàn–ah put-hīng
美麗青春去半生
bí-lē tshing-tshun khì puàn-sing
若是想起當啊初時
nā-sī siūnn-khí tong–ah tshue-sî
鴛鴦水鴨分兩邊
uan-iunn tsuí-ah hun lióng-pinn
怨嘆悲傷起寒意
uàn-thàn pi-siong khí hân-ì
猶原啊也是落雨天
iu-guân–ah iā-sī lo̍h-hōo-thinn
窗外風雨啊落啊規暝
thang-guā hong-ú–ah lo̍h–ah kui-mî
怨嘆啊運命暗傷悲
uàn-thàn–ah ūn-miā àm siong-pi
早前阮是放啊蕩兒
tsá-tsîng gún sī hòng–ah tōng-jî
傷心唱出斷腸詩
siong-sim tshiùnn-tshut tuān-tn̂g-si
有時想起當啊初時
ū sî siūnn-khí tong–ah tshue-sî
暗暗啊目屎粒粒滴
àm-àm–ah ba̍k-sái lia̍p-lia̍p tih
離開爸母放妻兒
lī-khui pē-bú pàng tshe-jî
浪子啊回頭等何時
lōng-tsú–ah huê-thâu tán hô-sî
