省都夜曲
《省都夜曲》Síng-too Iā-khik
林慶鐘Lîm Khìng-tsiong
許秀枝Khóo Siù-ki
——————————————
草色青
tsháu-sik tshinn
淡水河邊
Tām-tsuí-hô pinn
雙人情意糖蜜甜
siang-lâng tsîng-ì thn̂g-bi̍t-tinn
天頂月娘笑微微
thinn-tíng ge̍h-niû tshiò bî-bî
表示初戀好情意
piáu-sī tshoo-luân hó tsîng-ì
青紅燈光爍爍
tshinn-âng-ting kng sih-sih
艋舺街市好景緻
Báng-kah ke-tshī hó kíng-tì
啊~難忘臺北夜都市
ah~ lân-bōng Tâi-pak iā too-tshī
美麗好暗暝
bí-lē hó àm-mî
春風吹
tshun-hong tshe
情意綿綿
tsîng-ì mî-mî
散步鬧熱圓環邊
sàn-pōo lāu-jia̍t înn-khuân pinn
點心料理好氣味
tiám-sim liāu-lí hó khì-bī
輕鬆音樂動人耳
khin-sang im-ga̍k tōng lâng hīnn
談情愛啉咖啡
tâm tsîng-ài lim ka-pi
加添初戀好情意
ka-thiam tshoo-luân hó tsîng-ì
啊~難忘臺北夜都市
ah~ lân-bōng Tâi-pak iā too-tshī
美麗好暗暝
bí-lē hó àm-mî
電影院放著冷氣
tiān-iánn-īnn pàng tio̍h líng-khì
心情輕鬆無地比
sim-tsîng khin-sang bô-tè pí
相親相愛好無比
siong-tshin siong-ài hó bô-pí
親像青春我佮你
tshin-tshiūnn tshing-tshun guá kah lí
大橋邊月當圓
tuā-kiô pinn ge̍h tng înn
帶著詩情佮畫意
tài tio̍h si-tsîng kah uē-ì
啊~難忘臺北夜都市
ah~ lân-bōng Tâi-pak iā too-tshī
美麗好暗暝
bí-lē hó àm-mî
