無情一場夢
《無情一場夢》Bô-tsîng Tsi̍t-tiûnn Bāng
陳小菁Tân Sió-tsing
——————————————
懷抱著希望
huâi-phāu tio̍h hi-bāng
見著伊一人
kìnn-tio̍h i tsi̍t-lâng
為怎樣來對阮冷淡
uī-tsuánn-iūnn lâi tuì gún líng-tām
親像過路人
tshin-tshiūnn kè-lōo-lâng
枉費當時情義重
óng-huì tong-sî tsîng-gī tāng
今日愛別人
kim-ji̍t ài pa̍t-lâng
叫阮怎來
kiò gún tsuánn lâi
看破情夢
khuànn-phuà tsîng-bāng
忍著心苦痛
jím tio̍h sim khóo-thàng
為伊來犧牲
uī i lâi hi-sing
跳出著家庭
thiàu-tshut tio̍h ka-tîng
無疑伊來僥心反面
bô-gî i lâi hiau-sim huán-bīn
對阮遮絕情
tuì gún tsiah tsua̍t-tsîng
想起當時的情景
siūnn-khí tong-sî ê tsîng-kíng
今日受不幸
kim-ji̍t siū put-hīng
茫茫前程
bâng-bâng tsiân-tîng
愈想愈凝
jú siūnn jú gîng
目屎流袂停
ba̍k-sái lâu buē-thîng
毋知伊心情
m̄-tsai i sim-tsîng
到底啥原因
tàu-tué siánn guân-in
叫阮著來佮伊斷情
kiò gún tio̍h lâi kah i tn̄g-tsîng
愈想心愈凝
jú siūnn sim jú gîng
枉費當時的山盟
óng-huì tong-sî ê san-bîng
今日來變心
kim-ji̍t lâi piàn-sim
怨嘆環境袂得比並
uàn-thàn khuân-kíng buē-tit pí-phīng
才著受苦命
tsiah tio̍h siū khóo-bīng
