為你乾杯
《為你乾杯》Uī Lí Kan-pue
尤雅Iû Ngá
——————————————
明知佮你無四配
bîng-tsai kah lí bô sù-phuè
偏偏為你心痴迷
phian-phian uī lí sim tshi-bê
孤單行入酒場內
koo-tuann kiânn-ji̍p tsiú-tiûnn lāi
等待你一个
tán-thāi lí tsi̍t-ê
過去山盟海誓
kuè-khì san-bîng hái-sè
因何如今來違背
in-hô jû-kim lâi uî-puē
若想著袂當做伙
nā siūnn-tio̍h buē-tàng tsuè-hué
心內怨慼
sim-lāi uàn-tshueh
心內怨慼
sim-lāi uàn-tshueh
較想你一个
khah siūnn lí tsi̍t-ê
明知無緣來做伙
bîng-tsai bô-iân lâi tsuè-hué
偏偏約束再相會
phian-phian iok-sok tsài siong-huē
雙人坐在傷心地
siang-lâng tsē tsāi siong-sim tuē
毋知講啥話
m̄-tsai kóng siánn uē
請你考慮詳細
tshiánn lí khó-lū siông-sè
毋通以後來後悔
m̄-thang í-āu lâi hiō-hué
只要你幸福快樂
tsí-iàu lí hīng-hok khuài-lo̍k
為你乾杯
uī lí kan-pue
為你乾杯
uī lí kan-pue
祝福你一个
tsiok-hok lí tsi̍t-ê
