最有氣慨的人
《最有氣慨的人》Tsuè Ū Khì-khài ê Lâng
美杏Bí-hīng
——————————————
若欲社會佮人徛起
nā beh siā-huē kah lâng khiā-khí
毋通怨嘆過去
m̄-thang uàn-thàn kè-khì
啥人著為了世情
siánn-lâng tio̍h uī-liáu sè-tsîng
變成這款路
piàn-sîng tsit khuán lōo
悲傷佮歡喜的時
pi-siong kah huann-hí ê sî
也是家己來創造
iā-sī ka-kī lâi tshòng-tsō
人生的喜悲哀怨
jîn-sing ê hí-pi ai-uàn
總是家己來安排
tsóng-sī ka-kī lâi an-pâi
毋通環境來失志
m̄-thang khuân-kíng lâi sit-tsì
放捒人生路途
pàng-sak jîn-sing lōo-tôo
也有人顛倒失敗
iā ū-lâng tian-tò sit-pāi
提出勇氣來
thue̍h tshut ióng-khì–lâi
毋驚人對阮冷淡
m̄-kiann lâng tuì gún líng-tām
看阮無起無路用
khuànn gún bô-khí bô-lōo-iōng
有一日七倒八起
ū-tsi̍t-ji̍t tshit-tó peh-khí
佮人親像過日子
kah lâng tshin-tshiūnn kè ji̍t-tsí
看人無起家己看
khuànn-lâng bô-khí ka-kī khuànn
逐家都有信心
ta̍k-ke to ū sìn-sim
有時也成功致富
ū-sî iā sîng-kong tì-hù
有時會失敗
ū-sî ē sit-pāi
毋通閣對人恥笑
m̄-thang koh tuì lâng thí-tshiò
認真拚試著實在
jīn-tsin piànn-tshì tio̍h si̍t-tsāi
希望好好過一生
hi-bāng hó-hó kè it-sing
做著美麗的人生
tsuè tio̍h bí-lē ê jîn-sing
