嘿!毋通娶
《嘿!毋通娶》Heh! M̄-thang Tshuā
黃三元N̂g Sam-guân
銀星合唱團Gîn-tshinn Ha̍p-tshiùnn-thuân
——————————————
我愛彼个小姐
guá ài hit ê sió-tsiá
已經也是二十外
í-king iā-sī jī-tsa̍p guā
雙人時常做陣
siang-lâng sî-siông tsuè-tīn
出去外面咧相會
tshut-khì guā-bīn teh siong-huē
伊講欲嫁我
i kóng beh kè guá
我講欲共娶
guá kóng beh kā tshuā
講到今仔日
kóng kàu kia̋nn-ji̍t
猶未達成阮希望
iáu-buē ta̍t-sîng gún hi-bāng
阮希望
gún hi-bāng
我愛彼个小姐
guá ài hit ê sió-tsiá
已經也是二十外
í-king iā-sī jī-tsa̍p guā
媒人婆仔叫阮
muê-lâng-pô-á kiò gún
著來趕緊共伊娶
tio̍h lâi kuánn-kín kā-i tshuā
我是散赤人
guá sī sàn-tshiah-lâng
叫阮欲怎樣
kiò gún beh tsánn-iūnn
等待我若趁著有錢
tán-thāi guá nā thàn tio̍h ū-tsînn
才來娶
tsiah lâi tshuā
才來娶
tsiah lâi tshuā
嘿!毋通娶毋通娶
heh! m̄-thang tshuā m̄-thang tshuā
娶某愛了錢
tshuā-bóo ài liáu-tsînn
毋通娶毋通娶
m̄-thang tshuā m̄-thang tshuā
娶某真艱苦
tshuā-bóo tsin kan-khóo
我勸哥哥你
guá khǹg kó-koh lí
著愛來認真去拍拚
tio̍h-ài lâi jīn-tsin khì phah-piànn
為著你的幸福將來
uī-tio̍h lí ê hīng-hok tsiong-lâi
揣著好頭路
tshuē-tio̍h hó thâu-lōo
毋通想娶某
m̄-thang siūnn tshuā-bóo
來誤著你前途
lâi gōo tio̍h lí tsiân-tôo
我的哥哥
guá ê kó-koh
請你著來聽阮講
tshiánn lí tio̍h lâi thiann gún kóng
聽阮講
thiann gún kóng
我愛彼个小姐
guá ài hit ê sió-tsiá
你著會當了解我
lí tio̍h ē-sàng liáu-kái guá
因為我是家庭散赤
in-uī guá sī ka-tîng sàn-tshiah
才來耽誤你
tsiah lâi tam-gōo lí
請你原諒我
tshiánn lí guân-liōng guá
是純情的男兒
sī sûn-tsîng ê lâm-jî
期待我若成功彼日
kî-thāi guá nā sîng-kong hit-ji̍t
才娶你
tsiah tshuā lí
才娶你
tsiah tshuā lí
