愛情這盤棋
《愛情這盤棋》Ài-tsîng Tsit Puânn Kî
彭正Phênn Tsìng
——————————————
霓虹的夜都市
nî-hông ê iā too-tshī
失去美麗的形影
sit-khì bí-lē ê hîng-iánn
冷風陣陣吹來
líng-hong tsūn-tsūn tshue–lâi
心畏寒
sim uì-kuânn
今夜望無月娘
kim-iā bāng bô gue̍h-niû
來相隨
lâi siong-suî
思念寄天邊
su-liām kià thinn-pinn
啊~想你想你
ah~ siūnn lí siūnn lí
化做露水滴
huà-tsuè lōo-tsuí tih
一暝的相思
tsi̍t-mî ê siunn-si
換來七分的醉
uānn lâi tshit-hun ê tsuì
緣份哪無替咱
iân-hūn ná bô thè lán
牽做堆
khan tsuè-tui
流浪的人
liû-lōng ê lâng
無命走天涯
bô miā tsáu thian-gâi
啥人肯了解
siánn-lâng khíng liáu-kái
啊~男人的傷心淚
ah~ lâm-jîn ê siong-sim luī
毋願予人知
m̄-guān hōo-lâng tsai
明知影
bîng tsai-iánn
愛情這盤棋
ài-tsîng tsit puânn kî
步步愛細膩
pōo-pōo ài sè-jī
啥人輸會起
siánn-lâng su ē-khí
毋通小風小雨擾亂
m̄-thang sió-hong sió-hōo jiáu-luān
就欲來放棄
tiō beh lâi hòng-khì
因為愛你
in-uī ài lí
有堅持
ū kian-tshî
毋驚頭前烏暗天
m̄-kiann thâu-tsîng oo-àm thinn
啊~愛你愛你
ah~ ài lí ài lí
需要勇氣
su-iàu ióng-khì
