代誌大條囉
《代誌大條囉》Tāi-tsì Tuā-tiâu–looh
黃妃N̂g Hui
——————————————
看你額頭反烏
khuànn lí hia̍h-thâu huán oo
最近應該無啥快樂
tsuè-kīn ing-kai bô siánn khuài-lo̍k
予本姑娘指條明路
hōo pún koo-niû tsí tiâu bîng-lōo
加減分擔一寡艱苦
ke-kiám hun-tam tsi̍t-kuá kan-khóo
情勢開始不妙囉
tsîng-sè khai-sí put-miāu–looh
你的頭頂
lí ê thâu-tíng
開始落大雨
khai-sí lo̍h tuā-hōo
欲苦勸你愛有覺悟
beh khóo-khǹg lí ài ū kak-gōo
莫傷戇面
mài siunn gōng-bīn
行毋著路
kiânn m̄-tio̍h lōo
定定怨嘆愛毋著
tiānn-tiānn uàn-thàn ài m̄-tio̍h
也毋願好好檢討
iā m̄-guān hó-hó kiám-thó
怪個性袂合時間無
kuài kò-sìng buē-ha̍h sî-kan bô
你半暝仔
lí puànn-mî-á
攏是走去佗?迌
lóng-sī tsáu-khì toh tshit-thô
你代誌大條囉
lí tāi-tsì tuā-tiâu–looh
惹著赤查某
jiá-tio̍h tshiah-tsa-bóo
共你電甲塗塗塗
kā lí tiān kah thőo-thôo-thôo
你代誌大條囉
lí tāi-tsì tuā-tiâu–looh
惹遮大風波
jiá tsiah tuā hong-pho
詼妹詼甲怹大哥
khue muē khue kah in tuā-ko
共你反桌
kā lí píng-toh
你代誌大條囉
lí tāi-tsì tuā tiâu–looh
踢著紅毛塗
that-tio̍h âng-mn̂g-thôo
舞甲工課強欲無
bú kah khang-khuè kiōng-beh bô
代誌大條囉
tāi-tsì tuā-tiâu–looh
你滿面烏趖趖
lí muá-bīn oo-sô-sô
