風動石戀歌

《風動石戀歌》Hong-tōng-tsio̍h Luân-kua
傅振輝Pòo Tsín-hui

閣唱著你
koh tshiùnn tio̍h lí
上愛聽的這首歌
siōng ài thiann ê tsit siú kua
腦海內浮出你的影
náu-hái lāi phû-tshut lí ê iánn
敢知影無你陪伴
kám tsai-iánn bô lí puê-phuānn
我的心是真疼
guá ê sim sī tsin thiànn

昔日的風動石
sik-ji̍t ê hong-tōng-tsio̍h
有你就有我
ū lí tiō ū guá
山泡茶唱情歌
peh-suann phàu-tê tshiùnn tsîng-kua
如今戀歌繼續彈
jû-kim luân-kua kè-sio̍k tuânn
我心是孤單
guá sim sī koo-tuann

想欲問你
siūnn-beh mn̄g lí
是欲按怎
sī beh án-tsuánn
咱的情路
lán ê tsîng-lōo
敢欲繼續行
kám beh kè-sio̍k kiânn