青春一首歌
《青春一首歌》Tshing-tshun Tsi̍t-siú Kua
彭莉Phênn Lī(彭立Phênn Li̍p)
——————————————
跤步一步一步行
kha-pōo tsi̍t-pōo-tsi̍t-pōo kiânn
人生親像搬電影
jîn-sing tshin-tshiūnn puann tiān-iánn
青春親像風中沙
tshing-tshun tshin-tshiūnn hong-tiong sua
看透世情若夢啊
khuànn-thàu sè-tsîng ná bāng–ah
為啥人咧心疼
uī siánn-lâng teh sim-thiànn
為啥人咧牽掛
uī siánn-lâng teh khian-kuà
為啥人
uī siánn-lâng
將伊囥心肝
tsiong i khǹg sim-kuann
天地遮爾闊
thinn-tē tsiah-nī khuah
因為你
in-uī lí
才袂孤單
tsiah buē koo-tuann
愛人佮被愛
ài lâng kah pī-ài
攏真心感謝
lóng tsin-sim kám-siā
花開會花謝
hue khui ē hue siā
好䆀一切隨命運
hó-bái it-tshè suî miā-ūn
笑笑來看破啊
tshiò-tshiò lâi khuànn-phuà–ah
唱出飄撇的歌聲
tshiùnn-tshut phiau-phiat ê kua-siann
