烏白夢
《烏白夢》Oo-pe̍h Bāng
黃西田N̂g Se-tiân
——————————————
愛國獎券買一張
Ài-kok Tsióng-kuàn bé tsi̍t-tiunn
啊中著五十萬
ah tiòng-tio̍h gōo-tsa̍p bān
踮在草山起一間
tiàm-tsāi tsháu-suann khí tsi̍t-king
啊堂皇的別莊
ah tong-hông ê pia̍t-tsong
世界小姐陪伴阮
sè-kài sió-tsiá puê-phuānn gún
啊溫泉洗身軀
ah un-tsuânn sué-sin-khu
啊跳落水內才知影
ah thiàu lo̍h-tsuí lāi tsiah tsai-iánn
啊眠夢煞精神喔
ah bîn-bāng suah tsing-sîn–ooh
坐著一台噴射機
tsē tio̍h tsi̍t-tâi phùn-siā-ki
啊欲去遊太空
ah beh khì iû thài-khong
火星姑娘對阮來
hué-tshinn koo-niû tuì gún lâi
啊獻出著愛嬌
ah hiàn-tshut tio̍h ài-kiau
約束踮在月世界
iok-sok tiàm-tsāi Gua̍t-sè-kài
啊佮伊談愛情
ah kah i tâm ài-tsîng
目睭擘金看較真
ba̍k-tsiu peh-kim khuànn khah tsin
啊就是阮太太啦
ah tō-sī gún thài-thài–lah
人人選阮去參加
lâng-lâng suán gún khì tsham-ka
啊世界運動會
ah sè-kài ūn-tōng-huē
啊提出勇氣拚性命
ah the̍h tshut ióng-khì piànn-sìnn-miā
泅過太平洋
siû kuè Thài-phîng-iûnn
所有的金牌攏予阮
sóo-ū ê kim-pâi lóng hōo gún
啊一人共提來
tsi̍t-lâng kā the̍h–lâi
啊醒來規身澹滴滴
ah tshínn–lâi kui-sin tâm tih-tih
啊原來流凊汗
ah guân-lâi lâu-tshìn-kuānn
做著一个科學家
tsuè tio̍h tsi̍t-ê kho-ha̍k-ka
啊戴著博士帽
ah tì tio̍h phok-sū-bō
發明一跤乾坤袋
huat-bîng tsi̍t-kha khiân-khun-tē
啊踮在半空中
ah tiàm-tsāi puàn-khong-tiong
所有歹人共掠來
sóo-ū pháinn-lâng kā lia̍h–lâi
啊判著伊的罪
ah phuànn tio̍h i ê tsuē
誰知太太來床邊
siáng tsai thài-thài lâi tshn̂g-pinn
啊搝著阮的耳啦
ah giú tio̍h gún ê hīnn–lah
