思戀的情淚
《思戀的情淚》Su-luân ê Tsîng-luī
黃西田N̂g Se-tiân
——————————————
若想起彼一暝
nā siūnn-khí hit tsi̍t-mî
踮在港墘
tiàm-tsāi káng-kînn
看你孤單一个
khuànn lí koo-tuann tsi̍t-ê
點點目屎含目墘
tiám-tiám ba̍k-sái kâm ba̍k-kînn
搖弄的烏色頭鬃
iô-lāng ê oo-sik thâu-tsang
深深打動我心意
tshim-tshim tánn-tōng guá sim-ì
啊~小姑娘啊小姑娘
ah~ sió-koo-niû–ah sió-koo-niû
敢是思戀過去的情意
kám-sī su-luân kuè-khì ê tsîng-ì
看著伊彼款情境
khuànn-tio̍h i hit khuán tsîng-kíng
引我也為伊傷悲
ín guá iā uī i siong-pi
伊敢知
i kám tsai
我猶原來到港墘
guá iu-guân lâi-kàu káng-kînn
也是孤單一个
iā-sī koo-tuann tsi̍t-ê
懷念早前的戀夢
huâi-liām tsá-tsîng ê luân-bāng
偏偏是彼个形影
phian-phian sī hit ê hîng-iánn
像我夢中彼个人
tshiūnn guá bāng-tiong hit ê lâng
啊~小姑娘啊小姑娘
ah~ sió-koo-niû–ah sió-koo-niû
伊敢了解我心內希望
i kám liáu-kái guá sim-lāi hi-bāng
希望伊會當予我
hi-bāng i ē-tàng hōo guá
揣著早前的戀夢
tshē-tio̍h tsá-tsîng ê luân-bāng
