快樂烏手工
《快樂烏手工》Khuài-lo̍k Oo-tshiú-kang
黃西田N̂g Se-tiân
——————————————
透早天未光
thàu-tsá thinn buē kng
陣陣冷風霜
tsūn-tsūn líng hong-sng
手提便當欲出門
tshiú the̍h piān-tong beh tshut-mn̂g
毋驚路頭遠
m̄-kiann lōo-thâu hn̄g
我就是為三頓
guá tsiū-sī uī sann-tǹg
啊!實在真艱苦
ah! si̍t-tsāi tsin kan-khóo
每日著透早出門
muí-ji̍t tio̍h thàu-tsá tshut-mn̂g
做到下昏才回轉
tsuè kàu e-hng tsiah huê-tńg
為將來愛拍算
uī tsiong-lâi ài phah-sǹg
毋通跤手軟
m̄-thang kha-tshiú nńg
彼个小姑娘
hit ê sio-koo-niû
實在真趣味
si̍t-tsāi tsin tshù-bī
講我規身烏櫳櫳
kóng guá kui-sin oo lang-lang
佮人無相仝
kah lâng bô sann-kāng
我就是做工的人
guá tsiū-sī tsuè-kang ê lâng
噯!哪有啥法度
aih! ná ū siánn huat-tōo
為著欲達成希望
uī-tio̍h bueh ta̍t-sîng hi-bāng
毋驚一切的艱難
m̄-kiann it-tshè ê kan-lân
心輕鬆來活動
sim khin-sang lâi ua̍h-tāng
快樂咧做工
khuài-lo̍k teh tsuè-kang
環境真艱苦
khuân-kíng tsin kan-khóo
我穿著破衫褲
guá tshīng tio̍h phuà sann-khòo
愛人約束欲散步
ài-jîn iok-sok beh sàn-pōo
身軀講無半箍
sin-khu kóng bô puànn-khoo
我就是為前途
guá tsiū-sī uī tsiân-tôo
唉唷!欲按怎
haih-iooh! beh án-tsuánn
想起著愛人對我
siūnn-khí tio̍h ài-jîn tuì guá
實在真情佮真義
si̍t-tsāi tsin-tsîng kah tsin-gī
心肝內真歡喜
sim-kuann-lāi tsin huann-hí
想甲強欲死
siūnn kah kiông-bueh sí
