心甘情願
《心甘情願》Sim Kam Tsîng Guān
彭莉Phênn Lī(彭立Phênn Li̍p)
——————————————
越過頭
ua̍t-kuè thâu
就會當自由
tiō ē-tàng tsū-iû
雄雄感覺毋甘
hiông-hiông kám-kak m̄-kam
情路行到這个坎站
tsîng-lōo kiânn kàu tsit-ê khám-tsām
因為愛傷重
in-uī ài siunn tiōng
我無愛怨恨
guá bô-ài uàn-hūn
才會將你的手放
tsiah ē tsiong lí ê tshiú pàng
我不再
guá put-tsài
編織美麗的夢
pian-tsit bí-lē ê bāng
含著目屎的笑容
kâm tio̍h ba̍k-sái ê tshiò-iông
摻著幾分仔悲傷
tsham tio̍h kuí-hun-á pi-siong
咱攏毋通閣懷疑
lán lóng m̄-thang koh huâi-gî
毋通閣勉強
m̄-thang koh bián-kióng
踏出分開的頭一步
ta̍h-tshut hun-khui ê thâu tsi̍t-pōo
我一定會堅強
guá it-tīng ē kian-kiông
我愛過的人啊
guá ài–kuè ê lâng–ah
請你也保重
tshiánn lí iā pó-tiōng
我是心甘情願愛你
guá sī sim kam tsîng guān ài lí
也是心甘情願離開
iā-sī sim kam tsîng guān lī-khui
既然溫柔反背天真
kì-jiân un-jiû huán-puē thian-tsin
你我攏愛承認
lí guá lóng ài sîng-jīn
我是心甘情願愛你
guá sī sim kam tsîng guān ài lí
也是心甘情願離開
iā-sī sim kam tsîng guān lī-khui
深深的喘一口氣
tshim-tshim ê tshuán tsi̍t-kháu-khuì
咱的愛到遮為止
lán ê ài kàu tsia uî-tsí
—
敢是心甘情願愛你
kám-sī sim kam tsîng guān ài lí
敢有心甘情願離開
kám ū sim kam tsîng guān lī-khui
深深的喘一口氣
tshim-tshim ê tshuán tsi̍t-kháu-khuì
咱的愛到遮為止
lán ê ài kàu tsia uî-tsí
