街仔路散步
《街仔路散步》Ke-á-lōo Sàn-pōo
曾心梅Tsan Sim-muî
——————————————
心情真正無奈
sim-tsîng tsin-tsiànn bô-nāi
愛你的心意
ài lí ê sim-ì
為何是無解
uī-hô sī bô-kái
欲按怎
beh án-tsuánn
來行這條愛情的路
lâi kiânn tsit tiâu ài-tsîng ê lōo
才袂來行甲倒頭栽
tsiah bē lâi kiânn kah tò-thâu-tsai
你的心真正無奈
lí ê sim tsin-tsiànn bô-nāi
明明愛我
bîng-bîng ài guá
為何無講出來
uī-hô bô kóng–tshut-lâi
欲按怎
beh án-tsuánn
來看這條愛情的路
lâi khuànn tsit tiâu ài-tsîng ê lōo
才袂來看甲倒頭栽
tsiah buē lâi khuànn kah tò-thâu-tsai
阮只是
gún tsí-sī
踮在街仔路散步
tiàm-tsāi ke-á-lōo sàn-pōo
想欲共對你的情放予
siūnn-beh kā tuì lí ê tsîng pàng hōo
每一个人經過跤步
muí tsi̍t-ê lâng king-kuè kha-pōo
望會當分擔阮的傷
bāng ē-tàng hun-tam gún ê siunn
也毋知街仔路的散步
iā m̄-tsai ke-á-lōo ê sàn-pōo
望會使有你愛我的路
bāng ē-sái ū lí ài guá ê lōo
每一个人經過的跤步
muí tsi̍t-ê lâng king-kuè ê kha-pōo
攏是祝福
lóng-sī tsiok-hok
