永遠無仝
《永遠無仝》Íng-uán Bô-kāng
曾心梅Tsan Sim-muî
——————————————
等到何時
tán-kàu hô-sî
才會當將你放袂記
tsiah ē-tàng tsiong lí pàng-buē-kì
孤單予人愈來愈空虛
koo-tuann hōo-lâng jú-lâi jú khang-hi
雙手來提著咱的相片
siang-tshiú lâi the̍h-tio̍h lán ê siòng-phìnn
一手歡喜
tsi̍t-tshiú huann-hí
一手傷悲
tsi̍t-tshiú siong-pi
恬恬咧行
tiām-tiām teh kiânn
一个人身邊也無伴
tsi̍t-ê-lâng sin-pinn iā bô phuānn
袂當快樂
buē-tàng khuài-lo̍k
寂寞行相倚
tsi̍k-bo̍k kiânn sio-uá
目睭來看著我的人影
ba̍k-tsiu lâi khuànn-tio̍h guá ê lâng-iánn
過了今夜
kuè-liáu kim-iā
一切悲傷攏準煞
it-tshè pi-siong lóng tsún-suah
你是我無顧一切
lí sī guá bô-kòo it-tshè
無惜代價
bô-sioh tāi-kè
愛過的彼个人
ài–kuè ê hit ê lâng
對你用心計較
tuì lí iōng-sim kè-kàu
才知真心也無效
tsiah tsai tsin-sim iā bô-hāu
你是我一心一意
lí sī guá it-sim-it-ì
一生一世
it-sing it-sè
上愛的彼个人
siōng ài ê hit ê lâng
我的心情佮你的心肝
guá ê sim-tsîng kah lí ê sim-kuann
永遠無仝
íng-uán bô-kāng
