感念
https://www.youtube.com/watch?v=V1vcumD-cc4
《感念》Kám-liām
黃思婷N̂g Su-tîng
——————————————
你佮我一段緣份
lí kah guá tsi̍t-tuānn iân-hūn
像鴛鴦露水無痕
tshiūnn uan-iunn lōo-tsuí bô hûn
有天予咱情份
ū thinn hōo lán tsîng-hūn
煞無美麗命運
suah bô bí-lē miā-ūn
留一段傷情
lâu tsi̍t-tuānn siong-tsîng
踮阮心內轉袂停
tiàm gún sim-lāi tsuán buē-thîng
有溫柔的甜蜜
ū un-jiû ê tinn-bi̍t
也有苦澀滋味
iā ū khóo-siap tsu-bī
無時無刻心聽見
bô-sî-bô-khik sim thiann-kìnn
你的情話踮耳邊
lí ê tsîng-uē tiàm hīnn-pinn
叫阮怎樣袂記
kiò gún tsuánn-iūnn buē-kì
過去彼段纏綿
kuè-khì hit tuānn tînn-mî
懷念你一粒心
huâi-liām lí tsi̍t-lia̍p sim
掛踮天邊
kuà tiàm thinn-pinn
毋願消失
m̄-guān siau-sit
望你攑頭
bāng lí gia̍h-thâu
有看見阮的痴心
ū khuànn-kìnn gún ê tshi-sim
感念阮的今生有你
kám-liām gún ê kim-sing ū lí
有你陪佇阮身邊
ū lí puê tī gún sin-pinn
雖然短暫情袂圓
sui-jiân tuán-tsiām tsîng buē înn
無怨一切過程
bô uàn it-tshè kuè-tîng
感念阮性命中有你
kám-liām gún sìnn-miā tiong ū lí
有你疼惜阮的心
ū lí thiànn-sioh gún ê sim
陪阮行過的每一日
puê gún kiânn–kuè ê muí tsi̍t-ji̍t
攏是春天
lóng-sī tshun-thinn
