改筊
《改筊》Kái-kiáu
唐飛Tông Hui
——————————————
無愛啦予人笑阮
bô-ài–lah hōo-lâng tshiò gún
醉生夢死的跤數
tsuì-sing bāng-sí ê kha-siàu
實在不該走去跋筊
si̍t-tsāi put-kai tsáu-khì pua̍h-kiáu
厝內所費輸了了
tshù-lāi sóo-huì su-liáu-liáu
天啊地啊我想袂曉
thinn–ah tē–ah guá siūnn buē-hiáu
已經三頓無食
í-king sann-tǹg bô tsia̍h
毋知腹肚枵
m̄-tsai pak-tóo iau
怪我無跤踏實地
kuài guá bô kha ta̍h si̍t-tē
做著代誌像菜鳥
tsuè tio̍h tāi-tsì tshiūnn tshài-tsiáu
有時陣若較有錢
ū-sî-tsūn nā khah ū-tsînn
個性也較嬌
kò-sìng iā khah kiau
啊~我的一生去了了
ah~ guá ê it-sing khì-liáu-liáu
爸母來予我機會
pē-bú lâi hōo guá ki-huē
叫我改薰改酒改筊
kiò guá kái-hun kái-tsiú kái-kiáu
我絕對記牢牢
guá tsua̍t-tuì kì tiâu-tiâu
