愛你無論輸贏
《愛你無論輸贏》Ài Lí Bô-lūn Su-iânn
黃乙玲N̂g It-lîng
——————————————
風吹來薰的芳味
hong tshue lâi hun ê phang-bī
像你佇阮身邊
tshiūnn lí tī gún sin-pinn
聽著你溫柔聲音
thiann-tio̍h lí un-jiû siann-im
時間放袂記
sî-kan pàng-buē-kì
一陣風
tsi̍t-tsūn hong
一陣風吹動戀夢
tsi̍t-tsūn hong tshue-tōng luân-bāng
像咖啡吞腹內
tshiūnn ka-pi thun pak-lāi
苦家己知
khóo ka-kī tsai
我一直偷偷愛你
guá it-ti̍t thau-thau ài lí
毋敢講出喙
m̄-kánn kóng tshut-tshuì
啊~無論誰輸贏
ah~ bô-lūn siáng su-iânn
愛你袂來變卦
ài lí buē lâi piàn-kuà
看別人對對雙雙
khuànn pa̍t-lâng tuì-tuì siang-siang
只有阮咧孤單
tsí-ū gún teh koo-tuann
日思夜夢來拖磨
ji̍t-su iā-bāng lâi thua-buâ
為著你一人
uī-tio̍h lí tsi̍t-lâng
一陣雨
tsi̍t-tsūn hōo
一陣雨拍醒戀夢
tsi̍t-tsūn hōo phah-tshínn luân-bāng
我知影
guá tsai-iánn
你心內愛著別人
lí sim-lāi ài-tio̍h pa̍t-lâng
我一直偷偷愛你
guá it-ti̍t thau-thau ài lí
毋敢講出喙
m̄-kánn kóng tshut-tshuì
啊~無論誰輸贏
ah~ bô-lūn siáng su-iânn
愛你袂來變卦
ài lí buē lâi piàn-kuà
