愛你愛到底
《愛你愛到底》Ài Lí Ài Kàu Té
唐飛Tông Hui
——————————————
茫茫渺渺為你痴迷
bông-bông-biáu-biáu uī lí tshi-bê
一心一意愛你一个
it-sim-it-ì ài lí tsi̍t-ê
無論你是好額散食
bô-lūn lí sī hó-gia̍h sàn-tsia̍h
阮是愛你愛到底
gún sī ài lí ài kàu té
為情為愛無惜代價
uī-tsîng uī-ài bô-sioh tāi-kè
違背爸母放棄一切
uî-puē pē-bú hòng-khì it-tshè
希望你會真心對待
hi-bāng lí ē tsin-sim tuì-thāi
愛我心內無別个
ài guá sim-lāi bô pa̍t-ê
我愛你我愛你我愛你
guá ài lí guá ài lí guá ài lí
愛你山盟海誓
ài lí san-bîng hái-sè
為著你我幸福將來
uī-tio̍h lí guá hīng-hok tsiong-lâi
你愛親喙對我講
lí ài tshin-tshuì tuì guá kóng
你愛我你愛我你愛我
lí ài guá lí ài guá lí ài guá
你無娶我也袂嫁
lí bô tshuā guá iā buē kè
永永遠遠永永遠遠
íng-íng-uán-uán íng-íng-uán-uán
相親相愛今生今世
siong-tshin siong-ài kim-sing kim-sè
