情定臺西港
《情定臺西港》Tsîng Tīng Tâi-se-káng
唐飛Tông Hui
——————————————
踮在懷念的樓窗
tiàm-tsāi huâi-liām ê lâu-thang
銀河天星像情網
gîn-hô thinn-tshinn tshiūnn tsîng-bāng
漁船滿載已回航
hî-tsûn buán-tsài í huê-hâng
見景傷情心沉重
kiàn-kíng siong-tsîng sim tîm-tāng
纏綿過去
tînn-mî kuè-khì
是心碎的夢
sī sim-tshuì ê bāng
如今只有
jû-kim tsí-ū
含淚的花欉
hâm-luī ê hue-tsâng
痴情的心毋願空
tshi-tsîng ê sim m̄-guān khang
叫阮怎樣去愛別人
kiò gún tsuánn-iūnn khì ài pa̍t-lâng
啊~海水日夜流向東
ah~ hái-tsuí ji̍t-iā lâu hiòng tang
阮是愛情的孤帆
gún sī ài-tsîng ê koo-phâng
一生的情
it-sing ê tsîng
留踮臺西港
lâu tiàm Tâi-se-káng
