有夠傷啦
《有夠傷啦》Ū-kàu Siong–lah
陳隨意Tân Suî-ì
吳俊宏Ngôo Tsùn-hông
——————————————
寂寞已經盡磅
tsi̍k-bo̍k í-king tsīn-pōng
親像痟狗亂亂傱
tshin-tshiūnn siáu-káu luān-luān tsông
人講毋聽
lâng kóng m̄-thiann
鬼拖就行
kuí thua tiō kiânn
我是酒國小遊俠
guá sī tsiú kok xiǎoyóuxiá
音樂迷亂
im-ga̍k bê-luān
氣氛袂䆀
khì-hun buē-bái
情歌配酒特別茫
tsîng-kua phuè tsiú ti̍k-pia̍t bâng
快樂時間遐爾短暫
khuài-lo̍k sî-kan hiah-nī té-tsiām
酒醒
tsiú tshínn
心情愈虛空
sim-tsîng jú hi-khang
傷啦有夠傷啦
siong–lah ū-kàu siong–lah
迷戀著紅塵的花欉
bê-luân tio̍h hông-tîn ê hue-tsâng
一個月的薪水
tsi̍t kò-gue̍h ê sin-suí
猶無夠去開兩番
iáu bô-kàu khì khui nn̄g-huan
戇啦有夠悾啦
gōng–lah ū-kàu khong–lah
無局兼予人當盼仔
bô kio̍k kiam hōo-lâng tòng phàn-á
真正是了錢買愛
tsin-tsiànn sī liáu-tsînn bué ài
傷心閣傷肝
siong sim koh siong kuann
