愛人踮佇麥寮港
《愛人踮佇麥寮港》Ài-jîn Tiàm Tī Be̍h-liâu-káng
唐飛Tông Hui
——————————————
船仔若是駛出帆
tsûn-á nā-sī sái tshut-phâng
滿載而歸心輕鬆
buán-tsài jî-kui sim khin-sang
心愛等阮船入港
sim-ài tán gún tsûn ji̍p-káng
等待相逢彼一工
tán-thāi siong-hông hit tsi̍t-kang
大船入港心跳弄
tuā-tsûn ji̍p-káng sim thiàu-lāng
麥寮港口思戀彼个人
Be̍h-liâu káng-kháu su-luân hit ê lâng
思思念念
su-su-liām-liām
重溫春宵夢
tiông-un tshun-siau bāng
純情行船人
sûn-tsîng kiânn-tsûn-lâng
猶原情義重
iu-guân tsîng-gī tāng
港口情歌
káng-kháu tsîng-kua
唱出希望
tshiùnn-tshut hi-bāng
愛人仔踮佇麥寮港
ài-jîn-á tiàm tī Be̍h-liâu-káng
