愛上大
《愛上大》Ài Siōng Tuā
沈芳如Sím Hong-jû
——————————————
頭一遍看著你
thâu tsi̍t-piàn khuànn-tio̍h lí
你迷人的氣質
lí bê-lâng ê khì-tsit
予我心花漸漸開
hōo guá sim-hue tsiām-tsiām khui
毋知是為啥物
m̄-tsai sī uī-siánn-mih
敢是你的芳味
kám-sī lí ê phang-bī
予我日夜來相思
hōo guá ji̍t-iā lâi siunn-si
第二遍看著你
tē-jī piàn khuànn-tio̍h lí
決定欲來表示
kuat-tīng beh lâi piáu-sī
講出我心內的祕密
kóng-tshut guá sim-lāi ê pì-bi̍t
希望天公伯仔
hi-bāng thinn-kong-peh–á
莫來共咱創治
mài lâi kā lán tshòng-tī
我會用盡所有的愛
guá ē iōng-tsīn sóo-ū ê ài
對你付出全部關懷
tuì lí hù-tshut tsuân-pōo kuan-huâi
絕對袂辜負你的期待
tsua̍t-tuì buē koo-hū lí ê kî-thāi
雖然我有淡薄頇顢
sui-jiân guá ū tām-po̍h han-bān
喙花嘛無遮爾厲害
tshuì-hue mā bô tsiah-nī lī-hāi
毋過我有滿滿的真愛
m̄-koh guá ū muá-muá ê tsin-ài
總會有一工
tsóng ē ū tsi̍t-kang
有我踮身邊
ū guá tiàm sin-pinn
你就會感覺輕鬆
lí tiō ē kám-kak khin-sang
我會真心來疼痛
guá ē tsin-sim lâi thiànn-thàng
毋管是山崩地裂
m̄-kuán sī suann-pang tē-li̍h
猶原袂變卦
iu-guân buē piàn-kuà
希望每一工
hi-bāng muí tsi̍t-kang
有你踮身邊
ū lí tiàm sin-pinn
我就會感覺快活
guá tiō ē kám-kak khuìnn-ua̍h
只要有你來做伴
tsí-iàu ū lí lâi tsuè-phuānn
毋管是天地
m̄-kuán sī thinn-tē
阻礙有偌大
tsóo-gāi ū guā tuā
咱的愛上大
lán ê ài siōng tuā
