送君之夜
《送君之夜》Sàng Kun tsi Iā
陳淑貞Tân Siok-tsing
歐雲龍Au Hûn-liông口白紹介
——————————————
↓↓(口白)—(口白)↓↓
喔!媽媽!
Ooh! Má-mah!
到處咧揣無媽媽的
tò-tshú teh tshē-bô má-mah ê
陳淑貞是臺北人
Tân Siok-tsing sī Tâi-pak-lâng
除了歌唱以外
tû-liáu kua-tshiùnn í-guā
拍電影演電視
phah tiān-iánn ián tiān-sī
性情活潑
sìng-tsîng ua̍t-phuat
是一个多才多藝的
sī tsi̍t-ê to-tsâi to-gē ê
萬能的少女
bān-lîng ê siàu-lú
這次受本公司聘請
tsit-tshù siū pún kong-si phìng-tshiánn
所灌唱這曲新歌
sóo kuàn-tshiùnn tsit khik sin-kua
送君之夜
Sàng Kun tsi Iā
並毋是伊誠實有翁
pīng m̄-sī i tsiânn-si̍t ū ang
暗時佇咧送怹翁的
àm-sî tī-leh sàng in ang ê
送君之夜
Sàng Kun tsi Iā
↑↑(口白)—(口白)↑↑
一路手牽手
tsi̍t-lōo tshiú khan-tshiú
講情話糖蜜甜
káng tsîng-uē thn̂g-bi̍t-tinn
雖然雨毛毛
sui-jiân hōo mn̂g-mn̂g
落袂離
lo̍h buē-lī
今夜你我
kim-iā lí guá
最後的一暝咿~暝
tsuè-āu ê tsi̍t-mî ih~ mî
毋驚雨水滴
m̄-kiann hōo-tsuí tih
只想何時再相見
tsí siūnn hô-sî tsài sann-kìnn
兩人手牽手
nn̄g-lâng tshiú khan-tshiú
踮橋頭來分離
tiàm kiô-thâu lâi hun-lî
雖然有約束再會期
sui-jiân ū iok-sok tsài-huē kî
叫阮忍耐
kiò gún jím-nāi
寂寞的一暝咿~暝
tsi̍k-bo̍k ê tsi̍t-mî ih~ mî
愈想心愈悲
jú siūnn sim jú pi
不覺珠淚澹目墘
put-kak tsu-luī tâm ba̍k-kînn
