無情的觀光號
《無情的觀光號》Bô-tsîng ê Kuan-kong-hō
陳婉玲Tân Uán-lîng
——————————————
明明是約束今日
bîng-bîng sī iok-sok kim-ji̍t
欲坐觀光號
beh tsē Kuan-kong-hō
離開著複雜街市
lī-khui tio̍h ho̍k-tsa̍p kue-tshī
來去他鄉里
lâi-khì thann-hiunn-lí
過著咱自由自在
kuè tio̍h lán tsū-iû-tsū-tsāi
真情佮真愛
tsin-tsîng kah tsin-ài
為啥物時間
uī-siánn-mih sî-kan
只賰最後五分鐘
tsí tshun tsuè-āu gōo hun-tsing
你猶未來到車站
lí iáu-buē lâi-kàu tshia-tsām
啊~你敢來變心
ah~ lí kám lâi piàn-sim
明明你對我講起
bîng-bîng lí tuì guá kóng-khí
只愛我一个
tsí ài guá tsi̍t-ê
怎樣你這个時陣
tsuánn-iūnn lí tsit ê sî-tsūn
予阮空等待
hōo gún khang tán-thāi
無情的火車
bô-tsîng ê hé-tshia
已經強欲開出去
í-king kiōng-beh khui–tshut-khì
若無來
nā bô lâi
我也拍算
guá iā phah-sǹg
自己欲來去
tsū-kí beh lâi-khì
總是我已經了解
tsóng–sī guá í-king liáu-kái
啊~愛情是啥物
ah~ ài-tsîng sī siánn-mih
既然來決心
kì-jiân lâi kuat-sim
準備欲去他鄉里
tsún-pī beh khì thann-hiunn-lí
時間也無情無義
sî-kan iā bô-tsîng-bô-gī
恨命照天理
hūn miā tsiàu thian-lí
果然你中途變心
kó-jiân lí tiong-tôo piàn-sim
臨時無勇氣
lîm-sî bô ióng-khì
予我來空空等到
hōo guá lâi khang-khang tán-kàu
最後一分鐘
tsuè-āu tsi̍t hun-tsing
失約束誠實無來
sit iok-sok tsiânn-si̍t bô lâi
啊~愛你無路用
ah~ ài lí bô-lōo-iōng
