人趁青春花趁芳
《人趁青春花趁芳》Lâng Thàn Tshing-tshun Hue Thàn Phang
陳淑樺Tân Siok-huā
——————————————
人生踮在世間
jîn-sing tiàm-tsāi sè-kan
若像眠夢
ná-tshiūnn bîn-bāng
毋甘食用
m̄-kam tsia̍h-īng
儉欲予啥人
khiām beh hōo siánn-lâng
敢是無彩工
kám-sī bô-tshái-kang
春花秋月
tshun-hua tshiu-gua̍t
一生才有註幾冬
it-sing tsiah ū tsù kuí tang
連鞭變老人
liâm-mi piàn lāu-lâng
草木花蕊也趁芳
tshó-bo̍k hue-luí iā thàn phang
做人哪通白白做戇工
tsuè-lâng ná thang pe̍h-pe̍h tsuè gōng-kang
咱著趁人流行又輕鬆
lán tio̍h thàn lâng liû-hîng iū khin-sang
交際愛活動
kau-tsè ài ua̍h-tāng
金錢全部用予空
kim-tsînn tsuân-pōo īng hōo khang
人趁青春花趁芳
lâng thàn tshing-tshun hue thàn phang
有錢毋食毋用
ū-tsînn m̄-tsia̍h m̄-īng
做人啥路用
tsuè-lâng siánn lōo-īng
無錢欲食欲用
bô tsînn beh tsia̍h beh īng
萬世窮
bān-sì kîng
天公無公平
thinn-kong bô kong-pîng
認真趁錢
jīn-tsin thàn-tsînn
認真?迌
jīn-tsin thit-thô
毋通停
m̄-thang thîng
趁咱有熱情
thàn lán ū jia̍t-tsîng
草木花蕊也趁芳
tshó-bo̍k hue-luí iā thàn phang
做人哪通白白做戇工
tsuè-lâng ná thang pe̍h-pe̍h tsuè gōng-kang
咱著趁人快樂心適盡
lán tio̍h thàn lâng khuài-lo̍k sim-sik tsīn
跳舞食點心
thiàu-bú tsia̍h tiám-sim
認真造福咱人生
jīn-tsin tsō-hok lán jîn-sing
人趁青春花趁芳
lâng thàn tshing-tshun hue thàn phang
做人若有
tsuè-lâng nā ū
慷慨正義的觀念
khóng-khài tsìng-gī ê kuan-liām
到處歡迎
tò-tshù huan-gîng
無人敢共嫌
bô-lâng kánn kā hiâm
美麗的人生
bí-lē ê jîn-sing
人的成功
lâng ê sîng-kong
做事認真有方針
tsuè-sū jīn-tsin ū hong-tsiam
有拚毋免儉
ū piànn m̄-bián khiām
草木花蕊也趁芳
tshó-bo̍k hue-luí iā thàn phang
做人哪通白白做戇工
tsuè-lâng ná thang pe̍h-pe̍h tsuè gōng-kang
咱著趁人日頭當當炎
lán tio̍h thàn lâng ji̍t-thâu tng-tong iām
欠賒毋通簽
khiàm-sia m̄-thang tshiam
才袂食飯來攪鹽
tsiah buē tsia̍h-pn̄g lâi kiáu iâm
人趁青春花趁芳
lâng thàn tshing-tshun hue thàn phang
