送君出帆
《送君出帆》Sàng Kun Tshut-phâng
郭玲玲Kueh Lîng-lîng
——————————————
歡喜船出帆
huann-hí tsûn tshut-phâng
希望早入港
hi-bāng tsá ji̍p-káng
祝君一帆風順好魚冬
tsiok kun it-phâng hong sūn hó hî-tang
大魚小魚攏入網
tuā-hî sió-hî lóng ji̍p-bāng
滿載歸來我期望
buán-tsài kui–lâi guá kî-bōng
啊~希望我君早回港
ah~ hi-bāng guá kun tsá huê-káng
目送君船去
ba̍k sàng kun tsûn khì
希望回來時
hi-bāng huê-lâi sî
大魚小魚
tuā-hî sió-hî
規船滿滿是
kui-tsûn muá-muá-sī
手抱囝兒來送你
tshiú phō kiánn-jî lâi sàng lí
海上平安無代誌
hái-siōng pîng-an bô tāi-tsì
啊~希望我君轉來時
ah~ hi-bāng guá kun tńg–lâi sî
看見船離開
khuànn-kìnn tsûn lī-khui
希望君早歸
hi-bāng kun tsá kui
滿載大魚小魚規大堆
buán-tsài tuā-hî sió-hî kui-tuā-tui
風平浪靜好流水
hong phîng lōng tsīng hó lâu-tsuí
希望成功好魚歸
hi-bāng sîng-kong hó hî kui
啊~希望我君早日歸
ah~ hi-bāng guá kun tsá-ji̍t kui
