農村情歌
《農村情歌》Lông-tshun Tsîng-kua
莊明珠Tsng Bîng-tsu
黃秋田N̂g Tshiu-tiân
——————————————
透早出門天未光
thàu-tsá tshut-mn̂g thinn buē kng
透早出門天未光
thàu-tsá tshut-mn̂g thinn buē kng
手牽水牛去犁園
tshiú khan tsuí-gû khì lê hn̂g
手牽水牛去犁園
tshiú khan tsuí-gû khì lê hn̂g
大汗小汗到下昏
tuā-kuānn sió-kuānn kàu e-hng
期待豐收稻滿倉
kî-thāi hong-siu tiū muá tshng
山崙一片柳葉青
suann-lūn tsi̍t-phìnn liú-hio̍h tshinn
山崙一片柳葉青
suann-lūn tsi̍t-phìnn liú-hio̍h tshinn
手提家私剉柴枝
tshiú the̍h ke-si tshò tshâ-ki
手提家私剉柴枝
tshiú the̍h ke-si tshò tshâ-ki
遠遠一欉相思枝
hn̄g-hn̄g tsi̍t-tsâng siunn-si ki
予阮看著心綿綿
hōo gún khuànn-tio̍h sim mî-mî
田庄姑娘真古錐
tshân-tsng koo-niû tsin kóo-tsui
田庄姑娘真古錐
tshân-tsng koo-niû tsin kóo-tsui
透早出門?做堆
thàu-tsá tshut-mn̂g tshuā tsuè-tui
透早出門?做堆
thàu-tsá tshut-mn̂g tshuā tsuè-tui
我來佈田伊擔水
guá lâi pòo-tshân i tann-tsuí
歡歡喜喜笑微微
huann-huann-hí-hí tshiò bui-bui
田庄兄哥真英俊
tshân-tsng hiann-ko tsin ing-tsùn
田庄兄哥真英俊
tshân-tsng hiann-ko tsin ing-tsùn
透早出門到黃昏
thàu-tsá tshut-mn̂g kàu hông-hun
透早出門到黃昏
thàu-tsá tshut-mn̂g kàu hông-hun
認真做工無停睏
jīn-tsin tsuè-kang bô thîng-khùn
歡歡喜喜笑文文
huann-huann-hí-hí tshiò bûn-bûn
山明水秀天清清
suann bîng tsuí siù thinn tshing-tshing
山明水秀天清清
suann bîng tsuí siù thinn tshing-tshing
春風輕鬆吹胸前
tshun-hong khin-sang tshue hing-tsîng
春風輕鬆吹胸前
tshun-hong khin-sang tshue hing-tsîng
你我青春談愛情
lí guá tshing-tshun tâm ài-tsîng
鳥隻唸歌表歡迎
tsiáu-tsiah liām-kua piáu huan-gîng
