純情阮彼時
《純情阮彼時》Sûn-tsîng Gún Hit-sî
許石Khóo Tsio̍h
楊三郎Iûnn Sam-lông
——————————————
靜靜行到運河邊
tsīng-tsīng kiânn kàu ūn-hô pinn
看見月影照水墘
khuànn-kìnn ge̍h-iánn tsiò tsuí-pinn
予阮想起彼當時
hōo gún siūnn-khí hit-tang-sî
雙人甜蜜賞月圓
siang-lâng tinn-bi̍t siúnn ge̍h-înn
這是阮的青春幸福
tse sī gún ê tshing-tshun hīng-hok
純情真愛的過去
sûn-tsîng tsin-ài ê kè-khì
現在孤單阮無伴
hiān-tsāi koo-tuann gún bô-phuānn
只有月娘
tsí-ū ge̍h-niû
啊~佮阮相對看
ah~ kah gún sio-tuì-khuànn
月色青青照河岸
ge̍h-sik tshinn-tshinn tsiò hô-huānn
岸壁人影阮孤單
huānn-piah lâng-iánn gún koo-tuann
當時佮你坐做伴
tong-sî kah lí tsē tsuè-phuānn
半暝阮也毋知寒
puànn-mî gún iā m̄-tsai kuânn
這時放阮孤鳥失群
tsit-sî pàng gún koo-niáu sit-kûn
前途親像日黃昏
tsiân-tôo tshin-tshiūnn ji̍t hông-hun
現在孤單阮無伴
hiān-tsāi koo-tuann gún bô-phuānn
只有海風
tsí-ū hái-hong
啊~吹阮滿身寒
ah~ tshe gún muá-sin kuânn
想起純情阮彼時
siūnn-khí sûn-tsîng gún hit-sî
猶原夜半月光暝
iu-guân iā-puànn ge̍h-kng-mî
耳邊聲音只有伊
hīnn-pinn siann-im tsí-ū i
甜甜蜜蜜的情詩
tinn-tinn-bi̍t-bi̍t ê tsîng-si
你的情詩今何處去
lí ê tsîng-si kim hô-tshù khì
變成海鳥聲聲悲
piàn-sîng hái-tsiáu siann-siann pi
現在孤單阮無伴
hiān-tsāi koo-tuann gún bô-phuānn
只有月娘
tsí-ū ge̍h-niû
啊~知阮的心肝
ah~ tsai gún ê sim-kuann
